Allt á fullu í fjallinu.

Æfingar hófust á þriðjudag hjá öllum aldurshópum hjá Skíðafélagi Dalvíkur. Að sögn Guðnýjar þjálfara er mæting mjög góð og þegar hafa um 80 börn skráð sig á æfingar. Snjórinn er frekar lítill enn sem komið er en hann er á leiðinni samkvæmt spá yngsta meðlims veðurklubbsins á Dalbæ þá er þetta allt á áætlun en hann sagði að veður myndi breytast18. jan. Grípum ofaní janúarspána frá Dalbæingum en þar segir meðal annars. Nýtt tungl kviknar 1. febrúar í SA, flestir telja líkur á að þar sé komið að því að skipta um gír og við fáum að finna fyrir því sem við íslendingar þekkjum, yngsti meðlimurinn í klúbbnum var sá eini sem var viss um að í kring um 18. janúar yrði breyting á og veturinn kæmi með þunga, þó ekki að fullum þunga strax. 25. janúar er Pálsmessa, oft skiptir máli hvernig veðrið er þann dag. Í dag er 25. janúar og því er Pálsmessa í dag! Ef heiðríkt er úti veður á Pálsmessu degi gróða og gæða meður get eg að vænta megi. En ef sterkleg stormahríð styrjöld gjörir að bjóða halda menn það merki stríð millum heimsins þjóða. En ef þokan Óðins kvon á þeim degi byrgir fénaðar dauða og fellirs von forsjáll bóndinn syrgir. Falli snjór eða drífi dögg dult skal ei hvað þýðir hefur þjóðin haldið glögg harðdrægar ársins tíðir.