Andrés Önd í Kjarnaskógi á morgun.Frétt af heimasíðu Skíðafélags Akureyrar.

Á morgun, sumardaginn fyrsta, verður dagskrá fyrir þátttakendur í Andrésar Andar leikunum 2003 í Kjarnaskógi. Dagskráin er svohljóðandi: kl. 14:00 er mæting við þjónustuhúsið (þar sem snyrtingarnar eru) í Kjarnaskógi. Þar hefst skrúðganga í anda Andrésar, kveikt á Andrésar-eldinum og síðan farið í þrautir og leiki. kl. 16:00 verður grillað í útigrillinu í Kjarnaskógi, farið í leiki og þrautir kl. 18:00 er sund í Sundlaug Akureyrar. Hver rennur hraðast í litlu rennibrautinni? Allir ætla að koma með góða skapið, allir fá Andrésar-merkið og Andrésar-bolinn. Mikilvægt er að koma klædd/ur eftir veðri og í góðum íþróttaskóm. Ekkert þátttökugjald.