Frábær dagur í Böggvisstaðafjalli í dag.

Í dag voru um 360 manns á skíðum í Böggvisstaðafjallií frábæru veðri og skíðafæri. Ætla má að samtals hafi verið um 450 manns á svæðinu en margt var í boði á svölum skíðaskálans í tónlistarformi. Á morgum laugardag verður mikið um að vera á skíðasvæðinu og dagskrá á svölunum stanslaust allan daginn. Veðurspáin fyrir morgundaginn lofar líka góðu en búist er við svipuðu veðri og í dag og því ætti skíðafærið að vera mjög gott. Dagskráin á Dalvík og á Ólafsfirði er hér að neðan og minnum við sérstaklega á ævintýraferðina kl. 10:30 og að björgunarsveitin á Dalvík verður með ferðir upp um fjöll og fyrnindi á sleðum og snjóbil, gegn vægu gjaldi sem rennur beint til eftirlifandi unnustu "Mumma" Guðmundar Jóns Magnússonar heitins sem lést fyrir stuttu í vélsleðaslysi. Þá hefur ungur harmónikkuleikari frá Dalvík ákveðið að taka nokkur lög á svölunum, ekki missa af því. Laugardagur 10. apríl Böggvisstaðafjall Dalvík Opið 10 - 17.00. 10.30-12.00: Ævintýraferð um svæðið fyrir börn fædd 1996 og 1997 sem eru vel skíðandi. Í upphafi stóð til að yngri börn ættu kost á að fara í þessa ferð en fallið hefur verið frá því í þetta sinn. Foreldrar eru hvattir til að taka þátt. Þrautabraut fyrir yngstu kynslóðina allan daginn. 13.00 spilar Ari í Árgerði 11.00 - 15.00 sýnir Íslandsmeistarinn í klakaskurði listir sínar og býr til fjölmörg listaverk. Opinn hljóðnemi 11.00 - 16.00 15.00 Hundur í óskilum á svölum skálans og upp í brekku Snjólistaverkasamkeppni kl 13 -- 15.00 KL 14.00 Atriði úr Svarfdælasögu - Troðaraferðir - Barnagæsla gegn vægu gjaldi Skíðafélag Ólafsfjarðar Kl. 13:00 Ólafsfjarðarmót í skíðagöngu allir flokkar frjáls aðferð. Göngubrautir opnar almenningi frá kl. 12:00 Dalvíkurkaupst 30 ára. Frá kl 14.00 - 17.00 - Kaffiboð í Víkurröst - Allir velkomnir - Björgunarsveitin á Dalvík með sýningu á búnaði og dagskrá fyrir börnin. Sundlaug Dalvíkur Opið til kl. 22:00 en eftir kl. 19:00 verður " Kósy" kvöld á rómantískum nótum, ilmur af ilmkertum og reykelsi í húsinu og eimbaðið ilmar af kærleika!!! Kerti og huggulegheit, ljúf tónlist og afslöppun í pottunum og lauginni. Neðansjávartónlist í lauginni. Dagskráin eftir kl. 19:00 miðuð við 18 ára og eldri en allir velkomnir. Óvæntar uppákomur. Kaffihúsið Sogn Opið alla páskana - Ýmsar veitingar á boðstólnum. Á.T.V.R Dalvík Opið 11.00 - 14.00 Byggðasafnið Dalvík Opið 12.00 - 15.00 - Nýjungar og breytingar. Vertu velkominn. Fjörfiskur ( Gamla Menning ) Opið 22.00 - 04.00 Lokakvöld Fjörfisks með húsið - Lokadansleikur hljómsveitin Arizona. Íþróttamiðstöð Ólafsfjarðar Opið frá kl. 10:00 - 17:00 .Sundlaug - Tækjasalur - Íþróttahús - Páskatilboð í íþróttasal. Glaumbær Ólafsfirði Opið 11:00-24:00 Dóttir Skraddarans, Gallerý og vinnustofa Opið 13:00-17:00 Gallerýið sett í sparibúning í tilefni páskadagskrár og 30 ára afmælis Dalvíkurkaupstaðar Leikfélag Dalvíkur / Karlakór Dalvíkur Svarfdælasaga - sýning í Ungó á Dalvík kl. 21 Miðapantanir í síma 868-9706