Opið í kvöld

Eins og margir vita þá höfum við verið að bíða eftir því að fá snjó á skíðasvæðið til þess að hægt verði að fara á skíði. Síðustu daga höfum við verið að framleiða snjó og einnig hefur snjóað aðeins með því. Staðan er þannig hjá okkur núna að hægt er að nýta neðsta hlutan af neðri brekkunni og einnig er hægt að skíða í norðurbrekkunni í efri lyftunni. Við höfum tekið ákvörðun um að opna í kvöld frá klukkan 19:00 - 21:00, veður útlit fyrir næstu tvo daga er ekki gott og óvíst að hægt verði að opna en það verður auglýst síðar. Eins og alltaf á fyrsta opnunardegi hvers vetrar þá verður frítt að fara á skíði bjóðum við því alla velkomna á skíði en biðjum jafnframt foreldra að fylgjast vel með börnunum sínum og alla að fara varlega.