Fréttir

Um helgina fóru strákarnir okkar til Reykjavíkur og kepptu í tveimur svig-mótum. Á laugardegi gerðu þeir báðir ógilt og luku því keppni eftir fyrri ferð. Á sunnudegi gerði Brynjólfur ógilt og lauk keppni í fyrri ferð. Torfi Jóhann var með annan besta tímann eftir fyrri ferð, en hafnaði svo í fjórða sæti í fullorðinsflokki að móti loknu, en í öðru sæti í flokki 16-17 ára. Fyrir mótið í dag fékk Torfi 120 punkta. Þá hefur hún Esther Ösp einnig verið að keppa undanfarna daga í Noregi, en þar keppti hún í Kongsberg um sl helgi í tveimur svig mótum, hún lenti í 35 og 43 sæti og gerði um 145 punkta. Esther keppti einnig í tveimur stórsvigum í Wyller Noregi, hún náði ekki að ljúka öðru mótinu en lenti í 51 sæti í hinu mótinu og gerði um 150 punkta.

Um síðuastu helgi fór fram fyrsta bikarmót SKÍ í flokki 12- 15 ára. Mótið fór fram í Hlíðarfjalli. Okkar hópur var nokkuð laskaður eins og hjá fleiri félögum, þar sem þónokkrir voru í sóttkví og einangrun. Mótið hófst á laugardegi á Stórsvigi, aðstæður voru nokkuð krefjandi bæði fyrir mótshaldara og keppendur.

Þorramót 2022 úrslit

Þorramót verður haldið sunndudaginn 13 febrúar keppt verður í öllum aldursflokkum í stórsvigi

Um helgina var haldið fyrsta bikarmót/FIS SKÍ í fullorðins flokki(16ára og eldri). Skíðafélag Dalvíkur átti tvo fulltrúa, þá Brynjólf Mána Sveinsson og Torfa Jóhann Sveinsson. Brynjólfur er á sínu öðru ári í fullorðins flokki en Torfi er að keppa á sínu fyrsta FIS móti. Til stóð að keppt yrði á laugardegi og sunnudegi, en vegna veðurs var ákveðið að keyra tvö svig á laugardeginum. Aðstæður í Bláfjöllum voru mjög góðar og okkar menn stóðu sig með stakri prýði. Keppt er í tveimur flokkum á þessum mótum, annars vegar fullorðinsflokki og hinsvegar 16-17 ára flokki, þar sem okkar menn eru en þeir keppa einnig upp fyrir sig. Í móti 1, endaði Torfi Jóhann nr 3 í fullorðinsflokki og nr.2 í flokki 16-17ára, Brynjólfi hlekktist á í seinni ferð og endaði nr 13 í fullorðinsflokki og nr 7 í flokki 16-17 ára. Í móti 2, hlekktist Torfa á í fyrri ferð og keyrði út í seinni og þar með úr leik, en Brynjólfur skilaði sér niður og endaði nr 4 í fullorðins flokki og sigraði í flokki 16-17 ára. Segja má að þetta sé fín byrjun hjá þeim félögum og frændum, næsta mót hjá þeim verður einnig í Bláfjöllum um miðjan febrúar. Einnig er vert að kynna til leiks dömuna í fullorðins flokknum, en það er hún Esther Ösp Birkisdóttir. Esther býr ásamt fjölskyldu sinni í Geiló-Noregi þar sem hún stundar nám við Skíðamenntaskólann í Geiló. Ester er eins og Torfi á sínu fyrsta ári í FIS og hefur verið að keppa í Noregi. Við munum flytja fréttir af þeim öllum um leið og þær berast.