Fréttir

Þá er firmakeppni lokið og tókst vel til. Um 40 keppendur voru skráðir til leiks og annað eins af fyrirtækjum. Þökkum við öllum fyrir þátttökuna bæði keppendum og fyrirtækjum. Úrslitin urðu þannig að sigurvegari var Torfi Jóhann Sveinsson sem keppti fyrir Miðlarinn, öðru sæti var Álfgrímur Bragi Jökulsson sem keppti fyrir Steypustöðin Dalvík og í þriðja sæti var Maron Björgvinsson sem keppti fyrir Tréverk.

Á morgun mánudag 10.apríl (annan í páskum) Slúttum við páskunum á hefðbundinn hátt á Firmakeppni. Hún fer fram sem samhliðasvig með forgjöf. Skráning í Brekkuseli milli kl 10:00 - 10:30 - áætlum að hefja keppni kl 11:00. Sjáumst hress í fjallinu á morgun 😉

Undanfarnar vikur hafa verið mjög annasamar hjá SkíDalvik, en vegna erfiðra snjóskilirða á landinu röðuðust öll mót vetrarins á helgarnar í mars. Mánuðurinn byrjaði á Jónsmóti hér á Dalvík, en mótið gékk mjög vel og aðstæður nokkuð góðar. Þá tók við Bikarmót á Akureyri hjá 12 - 15 ára krökkunum þangað fóru 11 keppendur frá Skíðafélaginu. Næstu helgi þar á eftir var komið að okkur að halda bikarmót. Á Dalvík mættu 103 keppendur af öllu landinu, en á sama tíma fóru þeir félagar og frændur Torfi og Dagur í Bláfjöllin og kepptu á fjórum FIS/ENL mótum. Um síðustu helgi fór svo unglingameistaramótið hjá 12-15 ára fram í Bláfjöllum við flottar aðstæður þó svo að snjóalög hafi verið vel undir meðallagi. Þessa helgina enduðum við svo vertíðina hjá fullorðinsflokk en Skíðamót Íslands fór fram hér á Dalvík í samvinnu með Akureyringum. Aðstæður voru krefjandi en mótið gékk mjög vel í alla staði.

Mótanefnd var að ljúka fundi og það er nánast allt á plani! Það eru búinn að vera hlýindi á okkur en svæðisstarfsmenn eiga snjó upp í erminni sem þeir munu nota til að parketleggja eins vel og hægt er áður en mótið hefst. Plan A er að keyra sambærileg brautarstæði og á fyrri Jónsmótum, plan B og C er að stytta brautir og hugsanlega fara í afbrigði eins og tvær stuttar stórsvigsferðir í stað einnar og jafnvel þrjár ferðir í svigi og tvær bestu gilda. Skilaboðin frá okkur eru skýr, við höldum mótið og gerum það besta úr því þannig að krakkarnir fái skemmtilega upplifun í Böggvisstaðarfjalli. Veðurhorfur fyrir helgina eru góðar. Komið fagnandi! Hægt er að sjá helstu upplýsingar um mótið í flipanum hér uppi til hægri á síðunni.